Kalittokai 111 (A)

((Originally extracted from master file ^KALI.OCP))

((Last updated on 2004 October 12th))

PDF [AR edition]

Metrical description (AR, pp. 717): itu paṉṉīraṭiyiṉ ikantu taḷaiyum viravi aiñcīraṭiyum vantu oruporuḷ nutalātu vanta kaliveṇpāṭṭu

REF: (ca.pā. p.129-130: "aiñcīraṭi" + "āciriyattaḷai")

A

• {KALI 111-1} tīm pāl kaṟanta kalam māṟṟi kaṉṟu ellām
• {KALI 111-2} tāmpiṉ piṇittu maṉai niṟīi yāy tanta
• {KALI 111-3} pūm karai nīlam puṭai tāḻa mey acaii pāṅkar um
• {KALI 111-4} mullai um tāya pāṭṭam kāl tōḻi nam
• {KALI 111-5} pul iṉattu āyar makaḷirōṭu ellām
• {KALI 111-6} oruṅku viḷaiyāṭa a vaḻi vanta
• {KALI 111-7} kuruntu am pūm kaṇṇi potuvaṉ maṟṟu eṉṉai
• {KALI 111-8} muṟṟu iḻai ēer maṭa nallāy nī āṭum
• {KALI 111-9} ciṟṟil puṉaiku ō ciṟitu eṉṟāṉ ellā nī
• {KALI 111-10} peṟṟēm yām eṉṟu piṟar ceyta il iruppāy
• {KALI 111-11} kaṟṟatu ilai maṉṟa kāṇ eṉṟēṉ muṟṟu iḻāy
• {KALI 111-12} tātu cūḻ kūntal takaipeṟa taiiya
• {KALI 111-13} kōtai puṉaiku ō niṉakku eṉṟāṉ ellā nī
• {KALI 111-14} ētilār tanta pū koḷvāy naṉi mika
• {KALI 111-15} pētaiyai maṉṟa peritu eṉṟēṉ mātarāy
• {KALI 111-16} aiya pitirnta cuṇaṅku aṇi mel mulai mēl
• {KALI 111-17} toyyil eḻutuku ō maṟṟu eṉṟāṉ yām piṟar
• {KALI 111-18} cey puṟam nōkki iruttum ō nī peritu
• {KALI 111-19} maiyalai mātō viṭuka eṉṟēṉ taiyalāy
• {KALI 111-20} colliya āṟu ellām māṟu māṟu yāṉ peyarppa
• {KALI 111-21} allāntāṉ pōla peyarntāṉ āvaṉai nī
• {KALI 111-22} āyar makaḷir iyalpu uraittu entai um
• {KALI 111-23} yāy um aṟiya uraittīyiṉ yāṉ uṟṟa
• {KALI 111-24} nōy um kaḷaikuvai maṉ